ARCHIVIO
DOCUMENTARIO DIGITALE DI SAN MINIATO [ADDSM]
1195,
24 aprile – Bolla di Papa Celestino III a Gregorio Proposto della
Pieve di San Genesio
Foto
di Francesco Fiumalbi
Il
documento originale è conservato presso l'Archivio Storico Vescovile
di San Miniato.
Estratto
da J. P. Migne, Patrologia
Latina, Vol. 206,
1855, n. CCV, cc. 1085-1086.
Privilegium
pro ecclesia S. Genesii. (Laterani, April. 24.)
COELESTINUS
episcopus servo servorum Dei, dilectis filiis GREGORIO praeposito S.
Genesii, eiusque fratribus tam praesentibus quam futuris canonice
constituendis in perpetuum.
Piae
postulatio voluntatis effectu debet prosequente compleri, ut et
devotionis sinceritas laudabiliter enitescat, et utilitas postulata
vires indubitanter assumat. Quia igitur, o filii in Christo
charissimi, vos per divinam gratiam aspirati mores vestros cohaerere
et sub vitae canonicae disciplina et communiter secundum sanctorum
Patrum institutionem disposuistis omnipotenti Domino servire, nos
votis vestris paterno congratulamur affectu; unde etiam
praedecessorum nostrorum felicis memoriae Alexandri II, Paschalis,
Eugenii, Anastasii, Alexandri, Lucii et Clementis Romanorum
pontificum instituta sequentes, vitae canonicae ordinem, quem estis
professi, praesentis privilegii auctoritate firmamus, et ecclesiam
vestram sub beati Petri, et nostra protectione suscipimus; statuentes
ut quascunque possessiones, quaecunque bona eadem Ecclesia
impraesentiarum iuste et canonice possidet largitione regum vel
principum, oblatione fidelium, seu aliis iustis modis, praestante
Domino, poterit adipisci, firma vobis vestrisque successoribus et
illibata permaneant. In quibus haec propriis duximus vocabulis
exprimenda: Locum ipsum in quo plebs ipsa sita est cum omnibus
pertinentiis suis, quartam partem decimarum totius vestrae plebis, et
omnia quae felicis memoriae Ioannes episcopus canonicus vestrae
concessit ecclesiae, domum, et leprosorum cum ecclesia S. Lazari
iuxta eamdem plebem cum pertinentiis suis, universa etiam quae a
Langobardis de S. Miniato vobis legitime data sunt ac chirographis
confirmata, eleemosynarum etiam quae pro defunctis alicubi infra
plebis spatia sepultis offeruntur tertiam partem, quemadmodum a bona
memoria Paschalis praedecessoris nostri vobis concessum est et
scripto suo firmatum. In burgo quoque ecclesia S. Aegidii cum
pertinentiis suis, ecclesia S. Christophori et S. Iusti et S. Angeli
supra burgum cum omnibus pertinentiis suis. In eodem etiam burgo
ecclesiam S. Petri, et in castro Sancti Miniatis ecclesiam S. Mariae
cum pertinentiis suis, in quibus duabus per eos qui ibi fuerint per
nostram providentiam ordinati divina semper officia celebrentur, et
quidquid iuris habetis in eadem ecclesia S. Mariae per ecclesiam
Sanctae Christinae, item ecclesiam S. Bartholomaei cum pertinentiis
suis, ecclesiam S. Blasii, ecclesiam S. Stephani, ecclesiam S.
Laurentii de Nocida, ecclesiam S. Petri supra Fontem, ecclesiam S.
Andreae iuxta castrum Ciculum, ecclesiam S. Michaelis infra muros,
ecclesiam S. Iacobi et S. Luciae, ecclesiam S. Donati de Faugnana,
ecclesiam S. Martini de Castilione, ecclesiam S. Hippolyti de
Marzana, ecclesiam S. Mariae de Calenzano, ecclesiam S. Quintini,
ecclesiam de Colle, ecclesiam de Capriano, ecclesiam de Canneto,
ecclesiam S. Mariae de Montarso, ecclesiam de Monterotundo, ecclesiam
de Planatole, ecclesiam de Brusciano, ecclesiam S. Stephani de Turre,
ecclesiam S. Petri de Marcignana, ecclesiam S. Donati de Insula,
ecclesiam S. Angeli de Rophia, ecclesiam S. Philippi de Pinu,
ecclesiam S. Prosperi de Montalprandi cum omnibus pertinentiis earum,
et si quis imposterum infra unius plebis spatium aedificare
contigerit. Quidquid etiam iuris habetis in curte Sanctiminiatis de
Empulo de Monterappoli, et in curte de Marrignana.
Ego
Ioannes, tit. S. Clementis card. Viterbiens.
Ego
Coelestinus, catholicae Ecclesiae episcopus.
Ego
Petrus, tit. S. Caeciliae presb. card.
Ego
Unde, S. Prudent. presb. card. et Tuscan. episcopus.
Ego
Guido, S. Mariae in Transtiberim tit. Calisti presb. card.
Ego
Hugus, tit. S. Martini presb. card.
Ego
Ioannes, tit. S. Stephani presb. card.
Ego
Cintius, tit. S. Laurentii in Lucina presb. card.
Ego
Soffredus, tit. S. Praxedis presb. card.
Ego
Bernardus, S. Petri ad Vincula presb. card.
Ego
Fidus, tit. S. Marcelli presb. card.
Ego
Ioannes, tit. S. Priscae presb. card.
Ego
Albinus, Alban. episc. Ego Octavianus, Belletrensis episc.
Ego
Ioannes, Praenestinus episc.
Ego
Petrus, Portuensis S. Rufinae episc.
Ego
Gratianus, SS. Cosmae et Damiani diac. card.
Ego
Gerardus, tit. S. Adriani diac. card.
Ego
Gregorius, S. Mariae in Porticu diac. card.
Ego
Gregorius, S. Mariae in Agro diac. card.
Ego
Gregorius, tit. S. Georgii ad Vellaurentis (sic) diac. card.
Ego
Lotarius, SS. Sergii et Bacchi diac. card.
Ego
Nicolaus, S. Mariae in Carmeld. (sic) diac. card.
Ego
Gregorius, S. Angeli diac. card.
Ego
Bobo, S. Theodori diac. card.
Ego
Petrus, S. Mariae in Via Lata diac. card.
Actum
Laterani, per manum Cirini [Cinthii] S. Luciae in Hortea (sic) diac.
cardinalis, domini papae camerarii, VIII Kal. Maii, indictione XIII,
Incarnat. Dominicae 1194, pontificatus vero domni Coelestini papae
III anno IV.
ALTRE EDIZIONI E REGESTI
G. Lami,
Charitonis
et Hippophili Hodoeporici pars prima,
in Deliciae
eruditorum seu veterum anekdoton opusculorum collectanea,
Tomo X, Firenze, 1741, pp. 164-173.
P. Kehr, Italia Pontificia sive repertorium privilegiorum et litterarum a romani ponteficibus ante annum MCLXXXXVIII, «Regesta Puntificum Romanorum», vol. III, Etruria, Berlino, 1908, p. 475.
Nessun commento:
Posta un commento